UK ZOFATE 'KUT' 18th Sept 2010 Hmandan reportna
Kum 2010 kan han kai chhuah meuh chuan,kan hun te mahni kawng kawng ah peng darh in kan hmang sang sang a.Pathian hruaina in UK Zofate pawh athei ang apiangte inkhawmna lam ah te kan inhmukhawm thin a kan hlim thei dar dar hle thin.Tichuan,hun alo kal zel a kan nghahhleh em em, Zofaten kan hnam, traditional kan vawng nung ani tih hriat nan Kumtin a kan lo hman thin 'KUT' kan tih chu alo in her chhuak leh ta der mai a.ni 18th Sept 2010 Saturday ni chuan tluang takin kan programe angin kan hmang chho ta a.
Hemi ni hian khua lah chu an tha em em mai bawk nen,kan zavai in thlengkim hman lo mah ila,kan programe ang chuan kan hmang chho tan ta a. Pu Lalhmingmawia (Valtea) chuan thiam takin min hruai ta a.Tichuan,Dr.Zamanthangi'n tawngtaina mai ni lovin thu tha tak tak sawina hun ahan hmang chho leh a.Hnam ah kan chian a that thu te a sawia.Chutah kan zavai in 'Kan zotlang ram nuam' tih hla chu sak hona kan nei a Chumi zawh chuan, Pi Lalrindiki(Daduhi) Khiangte in hneh tak leh mawi takin. Insuihkhawm leh zai i rel ang u tih hla in mipui min han awi a.A va han thiam teh reng em!! Hnam dang ho pawh an dak fan nasa hle mai, thiam an ti ngang aniang !!Kan kut beng thawm pawh aring dar dar hle ani.
Tichuan,kan chairman Com Lalkiamlova chuan thuchah sawina tawifel tak kham awmlo takin a han sawi leh a.Ngaihthlak anuam in beng avar thin ngei mai,Zofate hian kan awmna hmun apiang ah hma kan sawn zel ani.Chuvangin tun ai hian tan i la nasa leh zual sauh sauh zel ang u ti in mipuite min sawm bawk ani.
Tichuan,thusawi zawh ve leh chuan. Dr Zaichhawna Hlawndo fanu Miss Lalruatfeli chuan english in" When i look at you" tih a han sa phei chu thiam kan ti bawk aniang thawm atha dar dar hle ani.Zofate kan lo ni hi avan nuam leh zual thin em!,Miss. Felicia Singson zai turin a lo ding chhuak leh a, English in thiam taka min han awih hnu chuan Mizo hla ngei in alo sak thin "Lunglawm akim" tih hla an sak leh ngat phei chuan kan thawm aring triah triah tawh hle ani.A hnung lam a thalai ho phei chu an lo lam in an lo phar suau suau mai han hmuh chuan Zofate kan lo ni hi van neih thlak kan ti tlang hle in ka ring thin.
Tichuan,kan chawhma lam hun chu "Lentupui kaivel leh romei chhumin" tih hla kan vaia sain kan lo hmang zo ta a.
Thingpui ruai hun kan hmang ta ani:-
Dar 2;30 pm alo rik dawn chuan Chawhma lama kal zawng zawngte chuan thlalak hona kan han nei thei ta a.Chawhnu lama lo langte nen kan vai erawh in kan la hman ta lo erawh chu pawi kan ti hle.
Tichuan,Pu,Jimmy Lalrokima Pachuau chuan min hruai ve thung ta a.Pu Jimmy pawh chuan "KUT" a hlut zia te chu tlem in a han tar lang bawk a,Rev John Colney in tawngtaina in tanna hun min hawnsak a.Chutah Hlawndo sisters ten thiam tak mai in kan lam ze dik tak SARLAM KAI an han lam mai chu mit atlai hle ani.Kan zinga hnamdang lo tel ve te pawh in nuam an ti hle mai.
Tichuan,Tv.Lalrinawma chuan Zawhna leh chhanna hun ahan hmang ta a,a thiam in a hnehsawh kher mai A leh B group ah mipuite chu ahan then a,Intihsiakna an neih tir mai chu... hnehsawh tak ani !! Mipui te pawh kan zavai in kan hlim tlang hle in ka hria.
Hemi zawh ve leh hian Pi.Lalrindiki (Daduhi) Khiangte in thiam tawkin hla min han awi leh a,mipui lam atangin Hlawndo sisters, Nula Felicia leh Tv Reuben Pachuau te chu au chhuakin a rualin Zoram ngaih hla an han sa chu an thiam hle mai.
Com Lalhlimpuii in Games hrang hrang min han neih pui ta a.kan hlim tlang dar dar hle mai.Kut beng thawm lah aring a au thawm lah ring bawk, kan hlim ani tih hai rual ani love.Games chi hrang hrang min han neihpui hnu ah chuan Miss KUT hlan na kan nei ta a.
Kumin 2010 Miss KUT atan Miss Lalrinawmi(Arimteii) Khawlhring chu hlan ani ta ani.Runner Up atan Miss Felicia Singson hlan ani bawk. Kut beng thawm leh au ri a ropui rem rem khawp mai tha kan ti tlang hle ani.
Tichuan.Lawmman semna Pu Sapsanga Halliday in min neih sak a. Chumi hnu ah Dr Zaichhawna Hlawndo in Pathian hnen a lawmthu sawina arawn nei a. Hemi hnu hian kan hun in min la daih avangin Tv Lien Gangte chu zaitura sawm leh ani a,thiam takin min awi a.Pi Lalrindiki (Daduhi)Khiangte in Insuihkhawm leh zai i rel ang tih hla in min hruai leh a, mipui zawng zawng kan lam kual a, kan hlim in kan kham lova kan sa nawn hial nghe nghe ani.Tichuan,Kan hun chu Lalpan trawngtrai dan min zirtir angin kan tawngtai ruala kan khar ta a ni.
Chawhlui kil hona kan fatu ten tui tak leh thiam tak a an siam chawhmeh chi hrang hrang leh Vawklu bawl leh vawksa rep,Bawngsa, Arsa,Rawtuai bai, Mai an bai, Hmarchapui bawl tui tak tak etc ..sawivek sen ani love kan han ei ta anih kha.A va tui teh reng em!!! kan puar tlang in kan hlim tlang hle a.Inkham lo tak chung in leh Nakum 2011 'KUT' hmang tlang leh tur in ngai leh kham lo takin kan inthen darh ta ani.
Heng ka programe te hlawhtling taka min hman tir tu Pathian chu fakin awm mawlh rawhse. *AMEN*